Оточ Манрамба Их сургуулийн төгсөгчид Их эмч, Сувилагчийн тангараг өргөж, эрдмийн баяраа тэмдэглэлээ
Уламжлалт анагаах ухааны анхны их сургууль болох Оточ Манрамба Их сургуулийн Төгсөлтийн баяр, Тангараг өргөх ёслолын ажиллагаа өнөөдөр /2017-05-22/ болж, Уламжлалт анагаах ухааны хүний их эмчийн ангийн 16 дахь, Сувилахуйн ангийн 5 дахь, Буддын гүн ухаан судлалын ангийн анхны төгсөлт боллоо. Оточ Манрамба Их сургуулийн энэ удаагийн төгсөлтөөр Уламжлалт анагаах ухааны хүний их эмчийн мэргэжилтэй 46 төгсөгч, Уламжлалт анагаах ухааны сувилагч 8, Буддын гүн ухаан судлаач 5 төгсөгч мэргэжлийн цол, боловсролын бакалавр зэрэгтэй төгссөнөөр Монголын эрүүл мэнд, буддын судлалын салбарт шинэ мэргэжилтнүүд, боловсон хүчин нэмэгдэж байна.
Оточ Манрамба Их сургууль нь Уламжлалт анагаах ухааны хүний их эмч, Уламжлалт анагаах ухааны сувилахуй, Буддын гүн ухаан судлаач, Эмзүйч гэсэн мэргэжлээр элсэлт авч,...