Бурхан, ном, хувраг гурван эрдэнийг дээдэлж, энэ ба хойд, завсрын насандаа тэднээс аврал эрж, зовлонгийн балчигаас аварна хэмээн бат итгэж чадвал шашин таны сэтгэлд оршино гэсэн үг юм. Тиймээс та өглөө босоод угаал үйлдсэний дараа өөрийн тахидаг шүтдэг бурхан юм уу, сүм хийдэд очиж гурван удаа мөргөнө.
Зулай дээрээ хоёр гарын алгыг хавсран мөргөнө. Энэ нь бурхан багшийн цаглашгүй оюун ухааныг хүндэлж буй хэрэг юм.
Хоёр нүднийхээ хооронд алгаа хавсран залбирч мөргөнө. Энэ нь бурхан багшийн ариун үйлсийг дээдлэн хүндэлсэний бэлгэ тэмдэг.
Хоолойныхоо хэсэгт алгаа хавсран наминчлан мөргөнө. Энэ нь бурхан багшийг сэтгэл зүрхнийхээ угаас бишрэн хүндэлж буйн тэмдэг. Эцэст нь дух 2 гарын алга, хоёр өвдгөө газарт хүргэн сунаж мөргөнө. Ийнхүү таван цогцсоо газарт хүргэн мөргөж, сэтгэлдээ маани, мэгзэмээ унших учиртай. Өглөө гурав, унтахын өмнө гурван удаа авралын номоо уншиж байх ёстой. Мөргөл үйлдэж чадахгүй ч сэтгэлдээ маани, мэгзэм өөрийн мэдэх номоо сүсэглэн уншиж байх учиртай хэмээн Бакула Ренбүчи лүндэнд айлджээ.