Германы Денк фарм компанийн зүгээс Анагаахын Их, Дээд сургуулийн оюутнуудад зориулан Шилдэг оюутны тэтгэлэгт хөтөлбөрийг зарласан байна. Анагаахын их, дээд сургуулийн 4 болон түүнээс дээш дамжааны үндсэн ангийн оюутнууд тэтгэлэгт хөтөлбөрт хамрагдах боломжтой бөгөөд тэтгэлгийн үндсэн шаардлагуудыг хангасан оюутнуудыг энэхүү тэтгэлэгт хөтөлбөрт урьж байгаа аж. “Цахим орчинд эрүүл мэндийн боловсролыг дээшлүүлэхэд оюутан таны оролцоо” сэдвээр эссэ бичихээс гадна тэтгэлэгт нэр дэвшигчийн мэдүүлэг, сурлагын болон голч дүнгийн тодорхойлолт зэрэг бусад бүрдүүлэх материалыг бүрдүүлэн энэ сарын буюу 3-р сарын 30-ны өдрийн 16:00 цагаас өмнө Денкфармын Монгол дахь төлөөлөгчийн газарт хандах юм байна.
Мөн тус компанийн зүгээс эмч нарт зориулсан тэтгэлэгт хөтөлбөрийг ч зарлаад байгаа бөгөөд Улаанбаатар хотоос 2 эмч, хөдөө орон нутгаас 2 эмч шалгаруулж, 1000 ам.долларын тэтгэлгийг олгох аж.
Тэтгэлэгт хамрагдах хүсэлтэй оюутан, эмч та бүхэн доорх линкээр орж дэлгэрэнгүй мэдээлэл авна уу.