Оточ Манрамба Их сургуулийн 2016-2017 оны Төгсөлтийн баяр, Тангараг өргөх ёслол өнөөдөр болж, энэ үеэр Оточ Манрамба Их сургуулийн 2017 оны Шилдэг төгсөгчдийг тодрууллаа. Шилдэг төгсөгчөөр Их эмчийн ангийн төгсөгч Б.Будцэцэг, Сувилахуйн ангийн төгсөгч Ц.Нямдаваа, Буддын судлалын ангийн төгсөгч Ч.Банзрагч нар тодорсон юм.
Мөн “Хүүхэд залуусын хөгжлийн төлөө” ТББ-аас Оточ Манрамба Их сургуулийн оюутан А.Отгонбилэгийг “Спортлог оюутан”-аар, “Шилдэг зохион байгуулагч оюутан”-аар С.Пүрэвзаяа, “Авъяаслаг оюутан”-аар Б.Номинтуяа, М.Алимаа, “Онц сурлагатан оюутан”-аар О.Мөнгөнцэцэг, С.Мөнгөнтуяа, Хаянхярваа, Пүрэвдаваа, “Шилдэг оюутан”-аар Ш.Амгаланбаяр, М.Нандинцэцэг, Г.Адъяа нарыг шалгаруулсан бол МОХ-ны Тэргүүн дээд шагнал “Манлайлагч оюутан” цол тэмдэгээр О.Балжмаа нарыг шагналаа. Сурлага, авъяас чадвараараа манлайлсан Оточ Манрамба Их сургуулийн шилдэг төгсөгчдийнхөө ирээдүйн зам мөр нь дардан байхыг эрдэмтэн, багш нар нь ерөөж, амжилт хүсэн Мандал өргөж, буян заяаг нь даатгалаа.
Шилдэг төгсөгчиддөө болон нийт төгсөгчиддөө сургуулиа амжилттай төгссөнд нь баяр хүргэе.
