Үг: Хамба лам Д.Нацагдорж
Ая: Д.Лувсаншарав
БУРХАН ЭМЧ
Өвчин зовлонд өртсөн бүхнийг
Өрөвдөн хайрлах үлэмжийн сэтгэлтэй
Урмыг сэргээсэн ухаалаг үгээрээ
Урт наслахын увдисыг хайрласан.
Эмч та энэрэл асралын бурхан
Эмч та энгүй их буянтан
Эмч та эрүүл энхийн сахиусаа
Цагаахан нөмрөгт ариухан биеэсээ
Цайлган сэтгэлийн илчийг цацруулж
Цаглашгүй буяны ерөөл хүчээрээ
Цаг бусын үхлийг цаашлуулсан
Эмч та энэрэл асралын бурхан
Эмч та энгүй их буянтан
Эмч та эрүүл энхийн сахиусаа
Эмчлэн эдгээх эрдэм ухаанаараа
Эрлэгийн элчтэй эрсэлдэн тэмцэж
Амь биеийг минь авран адислаж
Амьдын орчлонд жаргал эдлүүлсэн
Эмч та энэрэл асралын бурхан
Эмч та энгүй их буянтан
Эмч та эрүүл энхийн сахиусаа